Aukin þægindi og sparnaður í rekstri eldhúsa

Aðstaða til matseldar er misjöfn í mötuneytum. Því er gott að eiga kost á því að fá tilbúinn hollan mat frá öruggum framleiðanda. SS hefur í áraraðir boðið upp á fjölbreytt úrval af tilbúnum heimilismat og státar því af mikilli reynslu á því sviði. Reynsla og rannsóknir urðu þess valdandi að í dag notast SS við svokallaða “Eldað og kælt” (e. Cook & Chill) aðferð við framleiðslu á tilbúnum mat. En þessi aðferð hefur sýnt að næringargildi matarins helst og maturinn heldur betri bragðgæðum og ferskleika auk þess að tilbúinn matur framleiddur með þessari aðferð verður gæðalega öruggari.